ឯកឧត្តម គង់ សោភ័ណ្ឌ អភិបាលនៃគណៈអភិបាលខេត្តកណ្តាលបានសម្តែងនូវមនោសញ្ចេតនាសប្បាយរីករាយជាមួយក្រុមកីឡាករក្នុងពិធីប្រកួតក្នុងឱកាសដ៍វិសេសវិសាលជាប្រវត្តសាស្ត្រនៃជីវិតប្រជាពលរដ្ឋខ្មែរ

 នារសៀល ថ្ងៃសុក្រ ៥កើត ខែបុស្ស ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៧ ខែមករា ឆ្នាំ២០២២ ខ្ញុំបានចូលរួមជាអធិបតីភាពក្នុងពិធីបើកការប្រកួតកីឡាបាល់ទាត់ និងកីឡាប៉េតង់ នៅខេត្តកណ្តាល ដើម្បីអបអរសាទរខួបលើកទី៤៣ ទិវាជ័យជម្នះ ៧ មករា ឆ្នាំ២០២២ នៅកីឡដ្ឋានក្រុងតាខ្មៅ ខេត្តកណ្តាល។

ឯកឧត្តមសូមសំដែងនូវមនោសញ្ចេតនាសប្បាយរីករាយ

ជាមួយកីឡាករទាំងអស់ក្នុងកម្មវិធីប្រកួតនេះ ដែលជាឱកាសដ៏វិសេសវិសាលជាប្រវត្តិសាស្រ្តនៃជីវិត

របស់ប្រជាជនកម្ពុជាយើងទាំងអស់គ្នា ព្រោះថ្ងៃ ៧ មករា ជាថ្ងៃកំណើតទី២ របស់ប្រជាជនកម្ពុជា

ជាថ្ងៃដែលប្រជាជនកម្ពុជាគ្រប់រូបមិនអាចបំភ្លេចបានអស់មួយជីវិត ហើយក៏បានដំណាលរឿងដ៏ជូរចត់

ឈឺចាប់ខ្លោចផ្សា មហាវិនាសកម្មនេះ ឱ្យប្អូនៗ ក្មួយៗ កូនចៅ ជំនាន់ក្រោយ បានស្តាប់ និងផ្សព្វផ្សាយ

បន្តដើម្បីឱ្យថ្ងៃ ៧ មករាស្ថិតនៅជាអមតៈក្នុងក្រអៅបេះដូងប្រជាជនកម្ពុជាគ្រប់ៗជំនាន់ ហើយប្រជាជនកម្ពុជាបានចងចាំជានិច្ចនូវគុណូបការដ៏ថ្លៃថ្លា មិនអាចបំភ្លេចបាន របស់គណៈបក្សប្រជាជនកម្ពុជា

ដែលបានបញ្ជូនយុទ្ធជន យុទ្ធនារី ដ៏អង់អាច ក្លាហាន បូជាសាច់ស្រស់ ឈាមស្រស់ ដែលបានរំដោះប្រជាជនកម្ពុជាទូទាំងប្រទេស ដោយគណបក្សប្រជាជនកម្ពុជា ឱ្យរួចផុតពីរបបប្រល័យពូជសាសន៍ 

ថ្ងៃ ៧ មករា ១៩៧៩៕