ផ្ទៃដី១០ហិចតាកំពុងសាងសង់មជ្ឈមណ្ឌលព្យាបាលនិងស្តារនីតិសម្បទាអ្នកញៀនគ្រឿងញៀន

 

កណ្ដាល ÷ ព្រឹកថ្ងៃចន្ទ ១៤រោច ខែស្រាពណ៍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៦ ខែកញ្ញា ឆ្នាំ២០២១ អភិបាលខេត្តកណ្ដាល ឯកឧត្តម គង់ សោភ័ណ្ឌ និងឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្ត បានដឹកនាំក្រុមការងារជំនាញពាក់ព័ន្ធចុះពិនិត្យវឌ្ឍនភាព នៃការងារសាងសង់មជ្ឈមណ្ឌលព្យាបាល និងស្តារនីតិសម្បទារអ្នកញៀនគ្រឿងញៀនខេត្តកណ្តាល ស្ថិតនៅភូមិទួលសុភី ឃុំព្រែកគយ ស្រុកស្អាង ខេត្តកណ្តាល។ 

សូមជម្រាបថា មជ្ឈមណ្ឌលព្យាបាល និងស្តានីតិសម្បទារអ្នកញៀនគ្រឿងញៀន គឺកំពុងសាងសង់នៅលើផ្ទៃដីប្រមាណ១០ហ.ត ជាលទ្ធផលគិតមកត្រឹមថ្ងៃនេះការងារសាងសង់សម្រេចលទ្ធផលបានប្រមាណ៤៥% គ្រោងនឹងបញ្ចប់នៅពាក់កណ្តាលឆ្នាំ២០២២ ខាងមុខ៕