គេហទំព័រ ដំណឹងរាស្រ្ត -->
សូមស្វាគមន៍ គេហទំព័រ ដំណឹងរាស្ត្រ មានទទួលសេរវា ផ្សាយពាណិជ្ជកម្ម គ្រប់ប្រភេទ / ចាងហ្វាងការផ្សាយ៖ លោក វង និំមល / ទំនាក់ទំនង / Te: 071 724 3456 / 070 952 294
សូមស្វាគមន៍ www.dnr-news.info / មានទទួលសេរវា ផ្សាយពាណិជ្ជកម្ម គ្រប់ប្រភេទ / ចាងហ្វាងការផ្សាយ៖ លោក វង និំមល / ទំនាក់ទំនង / Te: 071 724 3456 / 070 952294

​​​​​​​​​​​​​

គម្រោងថ្មីមួយមានទឹកប្រាក់៣លានដុល្លារ ជួយបង្កើនប្រាក់ចំណូលកសិករខ្នាតតូចនៅកម្ពុជា

ចំនួនអ្នកទស្សនា : Views

(ភ្នំពេញ)៖ កម្មវិធីស្បៀងអាហារពិភពលោក របស់អង្គការសហប្រជាជាតិ (WFP) សហការជាមួយសាជីវកម្មសហគមន៍កសិកម្មកម្ពុជា (CACC) កំពុងចាប់ផ្តើមគម្រោងថ្មីមួយ ដែលសំដៅផ្តោតលើ កសិករខ្នាតតូចជាង១,២០០នាក់ និងក្រុមគ្រួសាររបស់ពួកគាត់ នៅក្នុងស្រុកកោះញែក ខេត្តមណ្ឌលគិរី ភាគឦសានប្រទេសកម្ពុជា។

គម្រោងនេះ ទទួលបានមូលនិធិពីកម្មវិធីកសិកម្ម និងសន្តិសុខស្បៀងសកលចំនួន ១.៧៩លានដុល្លារ និងពី CACC ចំនួន១.១លានដុល្លារ ក្នុងគោលបំណងលើកកម្ពស់ ភាពធន់ និងជីវភាពរបស់កសិករ ខ្នាតតូចតាមរយៈកសិកម្មសរីរាង្គ និងលទ្ធភាពចូលទៅកាន់ទីផ្សារ។

គម្រោងនេះ ក៏មានបំណងលើកកម្ពស់ អាហារូបត្ថម្ភនិងសមភាព យេនឌ័រ ផងដែរ តាមរយៈវិធីសាស្រ្តផ្លាស់ប្តូរឥរិយាបថសង្គម ដែលត្រូវបានរៀបចំឡើង ដើម្បីជំរុញឲ្យមានតម្រូវការរបបអាហារសុខភាព និងទប់ទល់ជាមួយទម្លាប់សង្គម ដែលបង្កគ្រោះថ្នាក់។

លោកស្រី គ្លែរ កូណាន់ អ្នកតំណាងរបស់ WFP ប្រចាំនៅកម្ពុជា បានថ្លែងថា «គម្រោងនេះត្រូវបានគ្រោងរៀបចំឡើងក្នុងបរិបទកូវីដ-១៩ ដោយប្រើវិធីសាស្រ្តច្នៃប្រឌិត ដែលកសាងភាពជាដៃគូរវាង វិស័យសាធារណៈ វិស័យឯកជន និងអ្នកផលិតដោយផ្ដោតជាសំខាន់នលើភាពចាំបាច់ ក្នុងការទាញប្រយោជន៍ពីការបណ្ដាក់ទុនលើ វិស័យឯកជន ពង្រឹងកិច្ចសន្ទនាផ្នែកគោលនយោបាយ ធានានូវចំណេះដឹងចាំបាច់ និងគាំទ្រដល់ការអភិវឌ្ឍដែលគិតគូរដល់បរិស្ថាន សមធម៌សង្គម និងសេដ្ឋកិច្ច»។

នាយកប្រតិបត្តិ CACC លោក កាន់ គន្ធី បានថ្លែងថា CACC នឹងបង្កើតខ្សែច្រវ៉ាក់តម្លៃអាហារសរីរាង្គមួយ ដែលប្រកបដោយបរិយាប័ន្ន និងលើកទឹកចិត្តកសិករខ្នាតតូច រួមទាំងស្ត្រីនិងជនជាតិដើមភាគតិច ឲ្យប្តូរមកអនុវត្ដ កសិកម្មសរីរាង្គដោយប្រើតែជី និងថ្នាំកម្ចាត់សត្វល្អិតធម្មជាតិ និងការអនុវត្តដទៃទៀត ដែលឆ្លើយតបនឹងការប្រែប្រួលអាកាសធាតុ។

លោកបានបន្តថា «អាហារសរីរាង្គមានតម្លៃល្អ និងមានស្ថិរភាពជាងតម្លៃទំនិញដែលផលិតទៅតាមទម្លាប់។ វាមានឱកាសចំណេញខ្ពស់ និងមានស្ថិរភាពចំណូល»។ លោកកត់សម្គាល់ថា កសិករខ្នាតតូចក្នុងខេត្តមណ្ឌលគិរី ច្រើនដាំដុះតែស្រូវ ហើយភាគច្រើនធ្វើសិកម្មវិលជុំបែបប្រពៃណី ដែលងាយរងគ្រោះដោយសារអាកាសធាតុ និងវិបត្តិផ្សេងៗ។

លោក គន្ធី បានបន្ថែមថា «គោលដៅរបស់យើង គឺដើម្បីបង្កើនប្រាក់ចំណូលរបស់កសិករ ដែលចូលរួមឲ្យបានរហូតដល់២០ភាគរយ ធៀបនឹងប្រាក់ចំណេញរបស់កសិកម្ម ធម្មតា»។ លោកក៏បញ្ជាក់ថា CACC នឹងជួយសម្របសម្រួលទំនាក់ទំនងទីផ្សារហើយកសិករនឹងអាចប្រើប្រាស់ចំណូលរបស់ខ្លួនក្នុងការទប់ទល់ជាមួយនឹង វិបត្តិផ្សេងៗដែលអាចកើតមាននាពេលអនាគត។

លោកស្រី កូណាន់ បានថ្លែងថា «កំណើនប្រាក់ចំណូលនឹងដើរតួយ៉ាងសំខាន់ក្នុងការសម្រួល ឲ្យមានអាហារូបត្ថម្ភកាន់តែប្រសើរនៅពេលដែលក្រុមគ្រួសារពួកគាត់ អាចទទួលបានអាហារសុខភាពចម្រុះ អាចទប់ទល់នឹងផលអវិជ្ជមានផ្នែកអាហារូបត្ថម្ភ ដែលកើតមានលើក្រុមគ្រួសារពួកគាត់»។

លោកស្រីក៏សម្គាល់ផងដែរថា ជីវភាព និងអាហារូបត្ថម្ភមានសារៈសំខាន់ណាស់ ដោយសារតំបន់គោលដៅនេះ មានកម្រិតនៃភាពក្រីក្រ និងកង្វះអាហារូបត្ថម្ភខ្ពស់៕




សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន អំពាវនាវឲ្យបន្តជួយវិនិយោគគាំទ្រដល់ការងារឆ្មបថែមទៀត ដើម្បីសុខភាពប្រជាជនកម្ពុជា

ចំនួនអ្នកទស្សនា : Views

(ភ្នំពេញ)៖ តាមរយៈសារលិខិតក្នុងឱកាសទិវាឆ្មបជាតិ-អន្តរជាតិ ឆ្នាំ២០២៣ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិ នៃផែនការសកម្មភាពរួម អគ្គលេខាធិការអង្គការសហប្រជាជាតិ ដើម្បីសុខភាពស្ត្រី និងកុមារ បានអំពាវនាវដល់គ្រប់ស្ថាប័នពាក់ព័ន្ធទាំងអស់ទាំងជាតិ បន្តជួយវិនិយោគគាំទ្រដល់ការងារឆ្មបថែមទៀត ដើម្បីសុខភាពប្រជាជនកម្ពុជា ក្នុងពេលបច្ចុប្បន្ន និងពេលអនាគត។

សម្តេចប្រធានកាកបាទក្រហមកម្ពុជា បានរំលេចនូវសមិទ្ធផលដែលសម្រេចបាន នូវវឌ្ឍនភាពដ៏ល្អប្រសើរ ក្នុងការងារសុខភាពមាតា ទារក កុមារ ដូចដែលបានបញ្ជាក់ដោយការអង្កេតប្រជាសាស្ត្រ និងសុខភាព ដែលនៅក្នុងនោះ អត្រានៃការសម្រាលកូន ដោយឆ្មបជំនាញមានការ កើនឡើងពី ៣៤% នៅឆ្នាំ២០០០ ដល់ ៩៩% នៅឆ្នាំ២០២១-២២ ដែលធ្វើឱ្យអត្រាមរណភាពមាតាបានថយចុះពី ៤៣៧ករណី នៅឆ្នាំ២០០០ មកនៅ ១៥៤ករណី ក្នុង១សែនកំណើតរស់ នៅឆ្នាំ២០២១-២២ អត្រាមរណភាពទារកទើបកើតបានថយចុះពី ៣៧ករណី នៅឆ្នាំ២០០០ មកនៅ ៨ករណី ក្នុង១ពាន់កំណើតរស់ នៅឆ្នាំ២០២១-២២ និងអត្រាមរណភាពកុមារអាយុក្រោម ៥ឆ្នាំ បានថយចុះពី ១២៤ករណី នៅឆ្នាំ២០០០ ដល់១៦ករណី ក្នុង១ពាន់កំណើតរស់ នៅឆ្នាំ២០២១-២២។

សម្តេចបបញ្ជាក់ថា «ទោះបីជាយ៉ាងណា យើងមិនត្រូវស្កប់ស្កល់នឹងវឌ្ឍនភាពខាងលើនេះឡើយ ដូចនេះហើយ ខ្ញុំសូមអំពាវនាវចំពោះថ្នាក់ដឹកនាំ មន្ត្រីរាជការ បុគ្គលិកសុខាភិបាល អ្នកផ្តល់សេវាទាំងអស់ សូមចូលរួមគាំទ្រការអនុវត្តគោលនយោបាយរបស់រាជរដ្ឋាភិបាល ឱ្យកាន់តែមានប្រសិទ្ធភាពខ្ពស់ ដើម្បីឈានទៅសម្រេចបាន គោលដៅរបស់រាជរដ្ឋាភិបាលតាមការកំណត់ និង សូមអំពាវនាវដល់គ្រប់ស្ថាប័នពាក់ព័ន្ធទាំងអស់ ទាំងជាតិ និងអន្តរជាតិ សូមជួយ និងបន្តជួយវិនិយោគគាំទ្រដល់ការងារឆ្មបថែមទៀត ដើម្បីសុខភាពប្រជាជនកម្ពុជា ក្នុងពេលបច្ចុប្បន្ន និងពេលអនាគត»។

សម្តេចមានក្តីសង្ឃឹមនិងជឿជាក់ថា រាជរដ្ឋាភិបាលកម្ពុជាក្រោមការដឹកនាំដ៏ឈ្លាសវៃ និងប្រកបដោយគតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងបង្កើនលទ្ធភាពបន្ថែមទៀត ក្នុងការធ្វើឱ្យកាន់តែប្រសើរឡើង នូវស្ថានភាពសុខុមាលភាពនៅកម្ពុជា។

ជាមួយគ្នានេះ សម្តេចកិត្តិព្រឹទ្ធបណ្ឌិត បានអរគុណជាអនេក ចំពោះរាជរដ្ឋាភិបាលកម្ពុជា ក្រសួងសុខាភិបាល មន្ត្រីជំនាញ ស្ថាប័នពាក់ព័ន្ធ ម្ចាស់ជំនួយ អង្គការជាតិនិងអន្តរជាតិ កាកបាទក្រហមកម្ពុជា អង្គការសង្គមស៊ីវិល សប្បុរសជន អាជ្ញាធរដែនដី និងអាជ្ញាធរមានសមត្ថកិច្ចទាំងអស់ ដែលបាន និងកំពុងហើយនឹងបន្តជួយគាំទ្រដល់ការងារឆ្មបកម្ពុជា។

សម្តេចសូមឧទ្ទិសខ្លឹមសារ និងអត្ថន័យនៃទិវាឆ្មបជាតិ-អន្តរជាតិ ឱ្យស្ថិតនៅក្នុងការចងចាំ និងជំរុញការប្ដេជ្ញាចិត្តដ៏រឹងមាំឱ្យទៅជាការអនុវត្តពិតប្រាកដ ដើម្បីសម្រេចបានគោលដៅអភិវឌ្ឍន៍ប្រកបដោយ ចីរភាពរបស់កម្ពុជា នៅឆ្នាំ២០៣០។

ទិវាឆ្មបជាតិ-អន្តរជាតិ ៥ឧសភា ឆ្នាំ២០២៣ រៀបចំឡើងក្រោមប្រធានបទ «រួមគ្នាជាថ្មី៖ ពីភស្តុតាងជាក់លាក់ ទៅការអនុវត្តពិតប្រាកដ» ក្នុងគោលបំណង លើកកម្ពស់ការយកចិត្តទុកដាក់ ចំពោះសុខភាពមាតា ទារក កុមារទូទាំងសកលលោក និយាយជារួម និង និយាយដោយឡែក សម្រាប់ប្រទេសកម្ពុជា។

ប្រធានបទឆ្នាំ២០២៣នេះ បានផ្តោតជាសំខាន់ទៅលើការប្តេជ្ញាចិត្តរួម របស់ប្រទេសទាំងអស់ជា សមាជិករបស់អង្គការសុខភាពពិភពលោក ក្នុងនោះមានទាំងប្រទេសកម្ពុជាផងដែរ ក្នុងការខិតខំប្រឹងប្រែង ដោយប្រមូលគ្រប់លទ្ធភាព និងធនធានដែលមានមកវិនិយោគលើការងារឆ្មប ដើម្បីមានឆ្មបជំនាញគ្រប់គ្រាន់ ពោលគឺ ត្រូវមានឆ្មប គិលានុបដ្ឋាក និងវេជ្ជបណ្ឌិត ដែលបំពេញការងារជួយស្រ្តី ក្នុងការសម្រាលកូន អាចឆ្លើយតបបានទៅនឹងតម្រូវការចាំបាច់ នៃការថែទាំសុខភាព ដើម្បីកាត់បន្ថយអត្រាស្លាប់របស់ ស្ត្រី មាតា ទារក និងកុមារ។ ឆ្មបជំនាញគ្រប់ៗរូប បាននិងកំពុងបំពេញការងារយ៉ាងសកម្ម ក្នុងការតាមដានរកដើមហេតុនៃបញ្ហា និងផលវិបាកនានា ដើម្បីទប់ស្កាត់ជំងឺ ព្យាបាល និងសង្គ្រោះបន្ទាន់ ក្នុងគោលបំណងកាត់បន្ថយអតន ការស្លាប់របស់មាតា ទារក និងកុមារ៕

ក្រុមការងារក្រសួងព័ត៌មាន កំពុងមមាញឹកក្នុងការរៀបចំមណ្ឌលព័ត៌មានកណ្តាល MPC សម្រាប់ការផ្សព្វផ្សាយព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣

ចំនួនអ្នកទស្សនា : Views

រាជធានីភ្នំពេញ :ក្រុមការងារក្រសួងព័ត៌មាន កំពុងមមាញឹកក្នុងការរៀបចំមណ្ឌលព័ត៌មានកណ្តាល MPC សម្រាប់ការផ្សព្វផ្សាយព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ដើម្បីឱ្យព្រឹត្តិការណ៍មួយនេះ បានប្រព្រឹត្តទៅដោយរលូន។


ឯកឧត្តម ខៀវ កាញារីទ្ធ រួមជាមួយក្រុមជំនាញបច្ចេកទេស នៃគណៈ កម្មការព័ត៌មាន និងផ្សព្វផ្សាយ បានអញ្ជើញចុះពិនិត្យទីតាំងមជ្ឈ មណ្ឌលផ្សាយអន្តរជាតិ IBC និង មណ្ឌលព័ត៌មានកណ្តាល MPC សម្រាប់ការផ្សព្វផ្សាយព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ ឆ្នាំ២០២៣ នៅក្នុងបរិវេណ ពហុកីឡដ្ឋានជាតិ មរតកតេជោ សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ នៅព្រឹកថ្ងៃទី២៤ ខែមេសា ឆ្នាំ២០២៣។

ឯកឧត្តម រដ្ឋមន្រ្តី ខៀវ កាញារីទ្ធ អនុប្រធាន CAMSOC ដែលទទួលការងារសម្រាប់គណៈកម្មការព័ត៌មាន និងផ្សព្វផ្សាយ បានបញ្ជាក់ថា ក្រសួងព័ត៌មាន មានកិច្ចការដែលត្រូវទទួលខុសត្រូវធំ បន្ទាប់ពីសម្តេចតេជោនាយករដ្ឋមន្រ្តី ហ៊ុន សែន បានប្រកាសអនុញ្ញាតឱ្យប្រជាពលរដ្ឋខ្មែរ និងបរទេសទាំងអស់អាចចូលរួមទស្សនាដោយសេរី ដោយមិនគិតថ្លៃក្នុងពិធីបើក ពិធីបិទ និងរាល់ការប្រកួតគ្រប់វិញ្ញាសាកីឡាទាំងអស់ក្នុងព្រឹត្តិការណ៍កីឡាស៊ីហ្គេម ហើយលុបចោលការបង់ថ្លៃលើការស្នើសុំសិទ្ធិផ្សាយបន្តផ្ទាល់នូវព្រឹត្តិការណ៍កីឡាអាស៊ីអាគ្នេយ៍លើកទី៣២ និងអាស៊ានប៉ារ៉ាហ្គេមលើកទី១២ នៅព្រះរាជាណាចក្រកម្ពុជា ទៅកាន់បណ្តាប្រទេសសមាជិកអាស៊ាន និងប្រទេស នានាលើពិភពលោក ។

ឯកឧត្តមបន្ថែមថា ដូច្នេះសម្រាប់ការផ្សព្វផ្សាយព័ត៌មាន និងផ្សាយ បន្តផ្ទាល់ ត្រូវបានគណៈកម្មការព័ត៌មាន និងផ្សព្វផ្សាយរបស់ CAMSOC ដែលដឹកនាំដោយក្រសួងព័ត៌មាន កំពុងធ្វើការយ៉ាង សកម្មក្នុងក្របខ័ណ្ឌ បច្ចេកទេស ជាមួយបណ្តាស្ថានីយទូរទស្សន៍ក្នុងស្រុក ដោយគោរពតាមគោល ការណ៍របស់ក្រុមប្រឹក្សាសហព័ន្ធកីឡាអាស៊ីអាគ្នេយ៍ និងអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្តី ក្នុងការផ្តល់សិទ្ធិផ្សាយដោយឥតមិនគិតថ្លៃ។

ឯកឧត្តម ផុស សុវណ្ណ ប្រតិភូរាជ រដ្ឋាភិបាលកម្ពុជាទទួលបន្ទុកជាអគ្គ នាយកនៃអគ្គនាយកដ្ឋានព័ត៌មាន និងសោតទស្សន៍នៃក្រសួងព័ត៌មាន និងជាប្រធានគណៈកម្មការព័ត៌មាន និងផ្សព្វផ្សាយនៃគណៈកម្មាធិការជាតិរៀបចំការប្រកួតកីឡាស៊ីហ្គេម បានបញ្ជាក់ថា រហូតមកដល់ពេល នេះ ក្រុមការងារតាមផ្នែក និងជំនាញនីមួយៗ បានកំពុងមមាញឹកក្នុងការរៀបចំមណ្ឌលព័ត៌មានកណ្តាល MPC សម្រាប់ការផ្សព្វ ផ្សាយព្រឹត្តិការណ៍ប្រកួតកីឡាអាស៊ីអាគ្នេយ៍លើកទី៣២ ឆ្នាំ២០២៣ ហើយរាល់កិច្ចការងារប្រព្រឹត្តទៅដោយរលូន និងត្រៀមអនុវត្តន៍ឱ្យបានល្អ ។

លោក ជា លីប៊ុនសៀង នាយកប្រតិបត្តិក្រុមហ៊ុន CSTV រួមជា មួយក្រុមការងារជំនាញបច្ចេកទេសរបស់សាធារណរដ្ឋកូរ៉េ ក៏បានឱ្យដឹងថា សម្រាប់មជ្ឈមណ្ឌលផ្សាយអន្តរ ជាតិ IBC កំពុងដំណើរការរៀបចំសម្ភារៈបរិក្ខារ បច្ចេកទេសស្ទើររួច រាល់ទាំងស្រុង និងបន្តឱ្យរួចសម្រាប់ត្រៀមផ្សព្វផ្សាយការប្រកួតកីឡា SEA Games- ASEAN Para Games ។  មជ្ឈមណ្ឌលផ្សាយអន្តរជាតិ ហៅកាត់ថា IBC គឺទទួលបានសិទ្ធិពីគណៈកម្មាធិការជាតិ CAMSOC ដោយទទួលខុសត្រូវក្នុងការផលិតកម្មវិធីប្រកួតកីឡា ១១ ប្រភេទ ក្នុងព្រឹត្តការណ៍នៃការប្រកួតកីឡា SEA Games- ASEAN Para Games ហើយ ៤ ប្រភេទកីឡាទៀតផលិតដោយក្រុមហ៊ុន GSTV និង១ប្រភេទផលិត ដោយESport របស់ក្រុមហ៊ុនវៀតណាម ។

លោកនាយកក្រុមហ៊ុន CSTV បានបញ្ជាក់ថា ប្រភេទកីឡាទាំង ១៦ ខាងលើនេះ គឺធ្វើឡើងតែនៅរាជធានីភ្នំពេញ ហើយសម្រាប់កម្មវិធីប្រកួតនៅតាមខេត្ត គឺក្រុម ហ៊ុន មិនមានការទទួលខុសត្រូវក្នុងការផលិតនោះទេ ។ អ្វីដែលសំខាន់ពាក់ពន្ធ័ការផ្សាយពាណិជ្ជកម្ម គឺក្រុមហ៊ុន CSTV ក៏មិនមានសិទ្ធិទទួលខុសត្រូវនោះទេ គឺទទួលតែកម្មវិធីកីឡាតែ ១១ ប៉ុណ្ណោះ។ សម្រាប់វឌ្ឍនភាពការងាររបស់ក្រុមហ៊ុន CSTV បានធ្វើមកដល់ ពេលនេះ គឺបានរៀបចំស្តង់ Booth រួចរាល់ហើយ ដោយក្នុងនោះ ក្រុមហ៊ុន បានផ្តល់ Booth ១ កន្លែងសម្រាប់ទូរទស្សន៍ជាតិកម្ពុជា ដើម្បីបំពេញការងារ ៕

 

អាវុធហត្ថរាជធានីភ្នំពេញ សម្តែងនូវការថ្លែងអំណរគុណចំពោះ ឯកឧត្តម លី ហុង និង លោកជំទាវ...!!!

ចំនួនអ្នកទស្សនា : Views

នាព្រឹក ថ្ងៃទី២០ ខែមេសា ឆ្នាំ២០២៣ នៅបញ្ជាការដ្ឋានកងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស មេបញ្ជាការ កងរាជអាវុធហត្ថរាជធានីភ្នំពេញ បានចាត់តំណាង ទទួល មីម៉ាម៉ា ចំនួន ៣៤កេសធំ ស្មើនឹង ២០៤កេសតូច របស់ ឯកឧត្តម លី ហុង ទីប្រឹក្សាក្រសួងមហាផ្ទៃ និង លោកជំទាវ ប្រគល់ជូនអាវុធហត្ថរាជធានីភ្នំពេញ សម្រាប់ជាប្រយោជន៍ បន្ថែមលើអាហាររូបត្ថម្ភ របស់សមាជិក កងរាជអាវុធហត្ថរាជធានីភ្នំពេញ ។  

ក្នុងឱកាសនោះ ក្រុមការងារ តំណាងឲ្យលោកឧត្តមសេនីយ៍ឯក រ័ត្ន ស្រ៊ាង បានសម្តែងនូវការថ្លែងអំណរគុណយ៉ាងជ្រាលជ្រៅ ចំពោះ ឯកឧត្តម លី ហុង និង លោកជំទាវ ដែលមានចិត្តជ្រះថ្លាឧបត្ថម្ភមីចំនួន៣៤កេសធំ ដល់អាវុធហត្ថរាជធានីភ្នំពេញនាពេលនេះ ៕





នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងឯកឧត្តម ម៉ែន វិបុល អភិបាលខេត្តស្វាយរៀង

ចំនួនអ្នកទស្សនា : Views

នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលើផ្ទៃប្រទេស និងឯកឧត្តម ម៉ែន វិបុល អភិបាលខេត្តស្វាយរៀង  នៅព្រឹកថ្ងៃទី១៩ ខែមេសា ឆ្នាំ២០២៣ នេះបានអញ្ជើញជាគណៈអធិបតីក្នុងពិធី សម្ពោធដាក់ឱ្យប្រើប្រាស់ជាផ្លូវការនូវអគាររដ្ឋបាល និងទីស្នាក់ការមូលដ្ឋាន កងរាជអាវុធហត្ថស្រុករមាសហែក ៕











នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ

ចំនួនអ្នកទស្សនា : Views

 ភ្នំពេញ ៖ នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិបានប្រគល់ករណីក្រុមអ្នកកាងល្បែងស៊ីសងខុសច្បាប់ព្រួតគ្នាវាយអ្នកសារព័ត៌មាននៅក្នុងសង្កាត់ស្ទឹងមានជ័យ៣ ខណ្ឌមានជ័យ ជូនឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ ចាត់ការតាមនីតិវិធី ។

ទាក់ទងករណីនេះ នាយឧត្តមសេនីយ៍ សន្តិបណ្ឌិត នេត សាវឿន បានបញ្ជាក់ប្រាប់សារព័ត៌មាននៅថ្ងៃទី១៩ ខែមេសា មកឆ្នាំ២០២៣ ថា “ជូនស្នងការមុខការ”

សូមជម្រាបថាមកដល់ពេលនេះសមត្ថកិច្ចនៅមិនទាន់ចាប់ខ្លួនក្រុមបងធំកាងល្បែងស៊ីសងខុសច្បាប់ដែលព្រួតគ្នាវ៉ៃទាត់ធាក់លើអ្នកសារព័ត៌មានមួយរូបនៅក្នុងសង្កាត់ស្ទឹងមានជ័យ៣ ខណ្ឌមានជ័យ កាលពីដើមខែមេសា ឆ្នាំ២០២៣ យកមកផ្តន្ទាទោស តាមច្បាប់នៅឡើយទេ ពោលគឺជិតមួយខែហើយ ។

ជាមួយគ្នានេះ ក្រុមអ្នកសារព័ត៌មានឯករាជ្យបានទទូចដល់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងអគ្គស្នងការនគរបាលជាតិមេត្តាជួយ អន្តរាគមន៍និងរកយុត្តិធម៌ដល់អ្នកសារព័ត៌មានដែលរងការរំលោភបំពានពីក្រុមកាងល្បែងស៊ីសងខុសច្បាប់ផង ។

ចំណែកលោកឧត្តមសេនីយ៍ត្រី សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ បានបញ្ជាក់ថា កំពុងស្រាវជ្រាវ ។

សូមជម្រាបថា ក្រុមអាឆើត ត្រូវបានគេដឹងថា កាងល្បែងឱ្យលោកផ្កាយម្នាក់និងជាជំនួយការអគ្គស្នងការរង នគរបាលជាតិមួយរូបផងដែរ ៕

ក្រុមការងារ អាវុធហត្ថរាជធានីភ្នំពេញ នាំយកអំណោយនិងថវិកា ចូលរួមរំលែកទុក្ខដល់ គ្រួសារសមាជិក ដែលមានម្តាយទទួលមរណភាព...!!!

ចំនួនអ្នកទស្សនា : Views

ដោយមានការណែនាំពី លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ នៅរសៀល ថ្ងៃទី១៨ ខែមេសា ឆ្នាំ២០២៣ លោកវរសេនីយ៍ឯក សៀ ទីន នាយសេនាធិការ កងរាជអាវុធហត្ថរាជធានីភ្នំពេញ បានចាត់ឲ្យក្រុមការងារ  នាំយកថវិកាចំនួន ១,១៥០,០០០រៀល , អង្ករ៥០គីឡូក្រាម, មី ១កេស, ភេសជ្ជៈ ៤កេស, ទឹកសុទ្ធ ៦កេស ចូលរួមរំលែកទុក្ខដ៏ក្រៀមក្រំដល់គ្រួសារ លោកព្រិន្ទបាល​ឯក​ គង់ គ្រុយ សមាជិក វរអន្តរាគមន៍ អាវុធហត្ថរាជធានីភ្នំពេញ ដែលមានម្តាយទទួលមរណភាព កាលពីថ្ងៃទី១៣ ខែមេសា ឆ្នាំ២០២៣ នៅភូមិដំណាក់ចំបក់ ឃុំសំរោងលេី ស្រុកបន្ទាយមាស ខេត្តកំពត និងសូមបួងសួងដល់វិញ្ញាណក្ខន្ធបានទៅកាន់សុគតិភពកុំបីឃ្លៀងឃ្លាតឡើយ៕




ឧត្តមសេនីយ៍ឯក រ័ត្ន ស្រ៊ាង អញ្ជើញជួបសំណេះសំណាលជាមួយ យោធិន នៃ កងរាជអាវុធហត្ថរាជធានីភ្នំពេញ ចូលសោធននិវត្តន៍កន្លងមក ចំនួន ៦៣នាក់...!!!

ចំនួនអ្នកទស្សនា : Views


នាព្រឹក ថ្ងៃទី០៨ ខែមេសា ឆ្នាំ២០២៣ នៅបញ្ជាការដ្ឋាន កងរាជអាវុធហត្ថរាជធានីភ្នំពេញ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស ជាមេបញ្ជាការ កងរាជអាវុធហត្ថរាជធានីភ្នំពេញ បានអញ្ជើញជួបសំណេះសំណាលជាមួយ យោធិន នៃកងរាជអាវុធហត្ថរាជធានីភ្នំពេញ ចូលសោធននិវត្តន៍ កន្លងមកចំនួន ៦៣នាក់ ដោយមានចូលរួមពី មេបញ្ជាការរង នាយ-នាយសេនាធិការរង ប្រធានមន្ទីរ នាយការិយាល័យ និង លោកមេបញ្ជាការ មូលដ្ឋានអាវុធហត្ថខណ្ឌទាំង១៤ ។

លោកឧត្តមសេនីយ៍ឯក រ័ត្ន ស្រ៊ាង បាននាំយកប្រសាសន៍ផ្តាំផ្ញើសាកសួរសុខទុក្ខនិងជូនពរ របស់លោកនាយឧត្ដមសេនីយ៍ សៅ សុខា ជូនដល់និវត្តន៍ជនទាំងអស់ ព្រមទាំងក្រុមគ្រួសារគ្រប់ៗគ្នា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ និងបានណែនាំ ឲ្យចេះគិតគូររៀបចំផែនការសេដ្ឋកិច្ច ក្នុងគ្រួសារឲ្យបានហ្មត់ចត់ ចេះតាមដាននិង ថែទាំសុខភាព ឲ្យបានល្អ ហាត់ប្រាណឲ្យបានជាប់ជាប្រចាំ រស់នៅប្រកបដោយ អនាម័យនិងបរិស្ថានស្អាត ដើម្បីសុខភាពគ្រប់គ្នា ។

លោកឧត្តមសេនីយ៍ឯក រ័ត្ន ស្រ៊ាង បានមានប្រសាសន៍បន្ថែមថា ទោះបីបងប្អូនចូលនិវត្តហើយក៏ដោយ សម្រាប់រូបលោកដែល ធ្លាប់រួមការងារជាមួយគ្នា លោកនៅតែមានមនោសញ្ចេតនា ដូចជាសាច់ញាតិបងប្អូនរួមសុខរួមទុក្ខជាមួយគ្នាគ្រប់កាលៈទេសៈ ហើយចំពោះបងប្អូនវិញ ក៏ត្រូវជួយសហការរក្សាសន្តិសុខសុវត្ថិភាពមូលដ្ឋានខ្លួនរស់នៅ និងត្រូវចេះជួយសង្កេតហេតុការ ផ្តល់ព័ត៌មានពាក់ព័ន្ធ បទល្មើសគ្រប់ប្រភេទ ដល់សមត្ថកិច្ច ដើម្បីបង្កាទប់ស្កាត់គ្រប់បទល្មើស និងបង្ក្រាបបានទាន់ពេលវេលា ។

ក្រោយពីការសំណេះសំណាលសួរសុខទុក្ខរួចមក លោកឧត្តមសេនីយ៍ឯក រ័ត្ន ស្រ៊ាង បានឧបត្ថម្ភជាគ្រឿងឧបភោគ បរិភោគ និងថវិកា ដល់ យោធិន ចូលសោធននិវត្តន៍ ទាំង៦៣នាក់ ក្នុងម្នាក់ៗ ទទួលបាន អង្ករ ០២ការុង, មី ០១កេស, ទឹកក្រូច ០១កេស, ត្រីខ ០២យួរ, ទឹកស៊ីអ៊ីវ ទឹកត្រី ០២យួរ រួមនិង ថវិកា ២០ម៉ឺនរៀល ដើម្បីយកទៅប្រើប្រាស់ក្នុងឱកាសពិធីបុណ្យចូលឆ្នាំថ្មីប្រពៃណីខ្មែរនាពេលខាងមុខនេះផងដែរ ៕







ឯកឧត្តម រ័ត្ន ស្រ៊ាង ផ្ញើសារអបអរសាទរ និងគោរពជូនពរ លោកជំទាវកិត្តិសង្គហបណ្ឌិត ម៉ែន សំអន ដែលត្រូវបានព្រះមហាក្សត្រ ប្រទានគោរមងារជា « សម្ដេចកិត្តិសង្គហបណ្ឌិត »...!!!

ចំនួនអ្នកទស្សនា : Views

ភ្នំពេញ ៖ ឯកឧត្តម រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ សូមផ្ញើសារអបអរសាទរ និងជូនពរជូនចំពោះ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច ក្នុងឱកាសដែលព្រះមហាក្សត្រ ចេញព្រះរាជក្រឹត្យប្រោសព្រះរាជទានគោរមងា «សម្ដេចកិត្តិសង្គហបណ្ឌិត» ។

ក្នុងឱកាសដ៏វិសេសថ្លៃថ្លានេះ យើងខ្ញុំមានសេចក្តីរំភើបរីករាយដ៏ជ្រាលជ្រៅ សូមចូលរួមអបអរសាទរចំពោះ «សម្តេចកិត្តិសង្គហបណ្ឌិត» ដែលបានទទួលព្រះរាជទានគោរមងារដ៏ឧត្តុង្គឧត្តមអំពី ព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ជា «សម្តេចកិត្តិសង្គហបណ្ឌិត» តាមរយៈព្រះរាជក្រឹត្យចុះថ្ងៃទី៨ ខែមេសា ឆ្នាំ២០២៣នេះ ។

សម្ដេចកិត្តិសង្គហបណ្ឌិត ស័ក្តិសមយ៉ាងប្រត្យក្ស ដោយទទួលបាននូវគោរមងារដ៏វិសេសវិសាលខាងលើនេះ ដែលជានិច្ចកាល សម្តេចកិត្តិសង្គហបណ្ឌិត ជាឥស្សរជនជាតិដ៏គត់មត់ បានចូលរួមដឹកនាំប្រជាជាតិកម្ពុជា ស្ថិតក្រោមបាវចនា ជាតិ សាសនា ព្រះមហាក្សត្រ សង្គមជាតិបានទទួលនូវសុខសន្តិភាព និងការអភិវឌ្ឍជាតិលើគ្រប់វិស័យ ។

ជាថ្មីម្ដងទៀត យើងខ្ញុំសូមជូនពរជ័យ សិរីសួស្តី វិបុលសុខគ្រប់ប្រការ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ឆ្នាំថោះ បញ្ចស័ក ព.ស.២៥៦៧ គ.ស.២០២៣ខាងមុខនេះ ជូន សម្តេចកិត្តិសង្គហបណ្ឌិត ព្រមទាំងក្រុមគ្រួសារ សូមបានប្រកបតែនឹងព្រះពុទ្ធពរ អាយុ វណ្ណៈ សុខ ពលៈ កុំបីឃ្លៀងឃ្លាតឡើយ ៕



ពលរដ្ឋរងគ្រោះដោយខ្យល់កន្ត្រាក់ នៅស្រុកបន្ទាយស្រី ទទួលបានអំណោយមនុស្សធម៌ ពីសាខាកាកបាទក្រហមកម្ពុជា ខេត្តសៀមរាប

ចំនួនអ្នកទស្សនា : Views

(សៀមរាប)៖ នៅថ្ងៃទី០៨ ខែមេសា ឆ្នាំ២០២៣នេះ សាខាកាកបាទក្រហមកម្ពុជា ខេត្តសៀមរាប បានចុះជួបសំណេះសំណាលសួរសុខទុក្ខ និងនាំយកអំណោយមនុស្សធម៌ជូនប្រជាពលរដ្ឋរងគ្រោះដោយខ្យល់កន្ត្រាក់កាលពីព្រឹកថ្ងៃទី៧ ខែមេសា ឆ្នាំ២០២៣ ចំនួន២២គ្រួសារ។

ក្នុងនោះ នៅឃុំរុនតាឯក ចំនួន១៩គ្រួសារ (រលំ៤ខ្នង របើកដំបូល១៥ខ្នង), ឃុំឃុនរាម ចំនួន៣គ្រួសារ (រលំ២ខ្នង និងរបើកដំបូល១ខ្នង)។ ពិធីនេះ ប្រារព្ធនៅភូមិធម្មជាតិរុនតាឯក ឃុំរុនតាឯក ស្រុកបន្ទាយស្រី ខេត្តសៀមរាប។

លោកស្រី ទាង អេង ទៀសីហា អនុប្រធានគណៈកម្មាធិការសាខា បាននាំនូវការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏ដូចជាលោក ទៀ សីហា ប្រធានគណៈកម្មាធិការសាខា ដែលតែងតែយកចិត្តទុកដាក់គិតគូរខ្ពស់ចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។

លោកស្រីក៏បានសម្ដែងនូវការសោកស្ដាយជាពន់ពេកចំពោះការខូចខាតផ្ទះសំបែង ទ្រព្យសម្បត្តិ ដែលនេះជាគ្រោះមហន្តរាយដោយធម្មជាតិ គ្មាននរណាម្នាក់ចង់ជួបប្រទះឡើយ ហើយបន្តថា អំណោយមនុស្សធម៌ដែលបាននាំយកមកចែកជូននាពេលនេះ អាចជួយសម្រាលទុក្ខលំបាករបស់បងប្អូនបានមួយកម្រិត។

នេះបង្ហាញនូវការយកចិត្តទុកដាក់ចំពោះប្រជាពលរដ្ឋគ្រប់រូបពីសំណាក់ថ្នាក់ដឹកនាំ ពិសេសគឺកាកបាទក្រហមកម្ពុជា ដែលមានសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ដូចដែលបានលើកឡើងថា កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល និងទីណាមានទុក្ខលំបាក ទីនោះមានកាកបាទក្រហមកម្ពុជា។

លោកស្រីក៏បានអំពាវនាវ លោកតា លោកយាយ អ៊ំពូមីង និងប្រជាពលរដ្ឋទាំងអស់ សូមមេត្តាអញ្ជើញទៅបោះឆ្នោតជ្រើសតាំងតំណាងរាស្ត្រ នីតិកាលទី៧ ឲ្យបានគ្រប់ៗគ្នា នៅថ្ងៃទី ២៣ ខែកក្កដា ឆ្នាំ២០២៣។

អំណោយមនុស្សធម៌ដែលបានផ្ដល់ជូន១គ្រួសារ ទទួលបាន គ្រួសាររលំផ្ទះ៖ មុង១ ភួយ១ សារុង១ ក្រមា១ កន្ទេល១ អាវយឺត១ ស័ង្កសី ១៦សន្លឹក មី១កេស ទឹកត្រី១យួរ ត្រីខ១យួរ ស្កសរ១គីឡូក្រាម អំបិល១គីឡូក្រាម ប៊ីចេង១០កញ្ចប់តូច អង្ករ៣០គីឡូក្រាម និងថវិកា១សែន៥ម៉ឺនរៀល។

គ្រួសាររបើកដំបូល៖ មុង១ ភួយ១ សារុង១ ក្រមា១ កន្ទេល១ អាវយឺត១ ស័ង្កសី ១០សន្លឹក មី១កេស ទឹកត្រី១យួរ  ត្រីខ១យួរ ស្កសរ១គីឡូក្រាម អំបិល១គីឡូក្រាម ប៊ីចេង១០កញ្ចប់តូច អង្ករ៣០គីឡូក្រាម និងថវិកា១សែនរៀលផងដែរ៕